Bebi im ka shumë puçrra në fytyrë. Duhet të shqetësohem?

Nëse shikon puçrra të vogla në fytyrën e foshnjës, mos u shqetëso, ka shumë të ngjarë që të jetë aknet e foshnjës, një gjendje shumë e zakonshme, e padëmshme dhe që nuk kërkon trajtim mjekësor.

Çfarë janë aknet e foshnjës?

Aknet e foshnjës janë puçrra të vogla që shfaqen kryesisht në faqe, ballë, mjekër apo hundë.

Mund të ngjajnë me puçrrat e të rinjve (adoleshentëve), por janë më të vogla dhe zakonisht nuk shkaktojnë kruarje apo shqetësim te foshnja.

Ato mund të duken si puçrra me majë të bardhë ose thjesht skuqje të lehta.

Pse ndodhin?

Arsyeja e saktë nuk dihet plotësisht, por besohet se shkaktohen nga:

-Hormonet e nënës që kalojnë te foshnja gjatë shtatzënisë ose përmes qumështit të gjirit.

-Përshtatja e lëkurës së foshnjës ndaj ambientit të jashtëm pas lindjes.

-Mbipesha e gjëndrave të yndyrës në lëkurën e foshnjës që është ende duke u zhvilluar.

Kur shfaqen dhe sa zgjasin?

Zakonisht shfaqen në javët e para pas lindjes, shpesh rreth javës së 2–4.

Mund të zgjasin disa javë deri në 2–3 muaj dhe pastaj zhduken vetë.

Nuk lënë shenja apo dëmtime në lëkurë.

Çfarë duhet të bëni?

Asgjë të veçantë, mos i prekni puçrrat, mos përdorni kremra pa rekomandim.

Lani fytyrën e foshnjës një herë në ditë me ujë të vakët dhe copë të butë.

Thajeni me kujdes, pa fërkuar.

Visheni foshnjën me rroba pambuku për të shmangur irritimet.

Çfarë nuk duhet të bëni?

Mos përdorni produkte kundër akneve për të rriturit.

Mos shtypni apo shtrydhni puçrrat, mund të shkaktojë infeksion ose acarim.

Mos aplikoni vajra apo locione të rënda në fytyrën e foshnjës.

Kur duhet të kërkoni ndihmë mjekësore?

Aknet e foshnjës janë zakonisht të padëmshme, por konsultohuni me mjekun nëse:

Lëkura bëhet me kore, plaset.

Skuqja përhapet shumë shpejt ose bëhet me flluska.

Zgjat më shumë se 3 muaj pa përmirësim.

Foshnja tregon shenja shqetësimi, temperaturë ose lodhje të pazakontë.